O le 30 tikeri faasolo i luga le vevela o loo ta’ua mai e oo iai le faaiuga o le vaiaso, ma e lē gata o lapataiga i le faigofie ona tulai mai o se mu ae o le faamanatu ia vaai lelei fanau.
Mai le ofisa o le vaaitau o le tele o vaega o le atunuu o loo faamauina le faaauau pea ona a’e i luga le malosi o le vevela ma e itiiti se vaega e toulu ai nai uaga peitai, e toe foi lava i le malosi o le vevela.
Ua fai mai ai ia mataalia ma tuuitiitia le avanoa e ono tulai mai ai se mu ma ia mautinoa e siaki muamua le tau a o lei faia nisi faatinoga i fafo i le la.
Mo le mautinoa o loo saogalemu tagata mai le ono tulai mai o se mu, o lea ua amata aloaia mai le taeao nei le sā mo le ogatotonu faasolo atu i Saute o Canterbury ma ua taofia lē tumau ai foi ma pemita e mafai ai ona faia se afi.
Ae i le pitolaau a mātua, ua faamanatu le matagaluega a le soifua maloloina ia mautinoa o loo lava le vai i tino o pepe ma aua ne’i soona iai umi i le la.
O ai foi le matua e lē o mautinoa ma popole i lana fanau ona o le vevela tele ua iai, o loo fautuaina le valaau o le Healthlinee
