Fai mai na faaauau lava ona agai ia la galuega masani le ulugalii mai Ueligitone lea ua ta’ua na manumalo i le faailoga muamua o le Powerball i le vaiaso talu ai e 16 miliona.
E le o faailoaina o la suafa ae ua o la ta’ua e aoga foi le o i le galuega sei tau aveese ai le mafaufau mai lea mataupu.
Faapea se faamatalaga na faatau e le tamaloa le pepa i le afiafi lava o le Aso Lulu lea na fai ai le se’i ma e leai ma se manatu o laua ua faamanuiaina.
Maua atu loa ma le telefoni mai le ofisa o le Lotto NZ, faamaonia ai loa ma le manumalo.
Ua lipotia a la fuafuaga e totogi faauma le la mokesi ma faia nisi galuega toe faaleleia aemaise o le a fesoasoani foi i o la aiga ma charities e pele ia i laua.
Ua atoa ai ia i laua le lona 16 o tagata ua faamanuiaina i le faailoga muamua o lea taaloga i le tausaga lenei 2022.
