Ua amata lelei le 2025 a se tasi o aiga i Ausetalia nei ina ua manumālō le tamā o le aiga i se faailoga tupe e $150,000 i se pepa valuvalu poo le scratchie.
O lea aiga e mai Adelaide ma sa faatau e le tamā o le aiga lana pepa $10 pepa valuvalu o le Jumbo Crosswords Instant Scratchie, sa faatau i le aso o le Kerisimasi.
Fai mai lana faamatalaga i le ofisa o le taaloga, sa le’i talitonu lona toalua ina ua ia faaali atu iai le pepa ua mālō ae na matua’i fiafia ina ua faamaonia ua mālō i le 150 afe.
Ua fuafua nei la lea tamā o le a aga’i ese ma Ausetalia mo le ulua’i taimi mo sana tafaoga i Amerika.
O le pepa mālō na faatau i le OTR Salisbury Park Terrace i le itu i Matu o Melepone.
Puna o Faamatalaga: https://www.9news.com.au/national/lotto-scratchcard-win/f8a462f3-1d45-4599-9f85-5705bf6f625e
