Ua iai se lapata’iga ua tuuina mai e Malo Aufaatasi ua ta’ua ai tamaiti o le Pasefika e faapea o loo feagai ma sauāga ma o se tasi lea o numera aupito maualuga o loo faamauina i le lalolagi.
Fai mai Malo Aufaatasi o ia tulaga e mafua mai le lē lava o fesoasoani tau le malo i auaunaga o loo latou faatupeina, aemaise o mataupu e alia’e mai e mafua i pa puipui tau tapua’iga faapea le aganuu ma le siitia pea o le faaaogāina o fualaau faasāina.
O loo iai nei sui mai atunuu e 17 i totonu o Fiti i le faia o se fonotaga mo le Pacific Child Wellbeing Summit ma ua faamatamata tetele ai le mana’omia o se fesoasoani i lenei mataupu.
Fai mai le sui o le UNICEF, o le maualuga ua oo iai le sauāina ma le tuulafoa’i o tamaiti o le Pasefika, ua iai faatasi nei ma le maualuga o iai isi atunuu tetele o le lalolagi ma e ui i le matagofie ma le ‘oa o laufanua o le Pasefika, ae o loo feagai lava nai tama ma teine ma lu’itau i le faamata’uina o le ola manuia.
Fai mai sui o le fono ua tatau ona faia se gaioiga ma inivesi i le lumana’i o fanau.
O le autū o le fonotaga o loo faagasolo, “It takes a village to raise a child” ma o loo silasila ai i malosi’aga, lu’itau ma avanoa e maua i totonu o le Pasefika e puipuia ai fanau mai le sauāina.
Puna o Faamatalaga: https://www.rnz.co.nz/international/pacific-news/543590/it-takes-a-village-to-raise-a-child-un-rings-alarm-over-crisis-in-the-pacific
