O se tala faanoanoa foi ua faalogoina mai le faaitu o le Central Coast i Niu Sa Uelese ina ua lipotia le maliu o se tinā matua e feta’uaina le fasiotia e lana lava tama tama.
Fai mai le 7News ua pue e leoleo le tagata lea ma ua molia i le fasioti tagata ma e 56 tausaga le matua, o le tama tama a le tina ua maliu.
Fai mai lipoti o loo feta’uaina sa faaoolima lea alii i lona tina e faaaogā ai se pot plant ma agai ese mai ai ma le fale lea i Central Coast ae faato’ā toe foi atu mulimuli ane ma vili le fesoasoani faavavave.
Fai mai leoleo na maua atu si tinā matua sia e 82 tausaga ua maliu ma manu’aga i lona ulu. E talitonuina sa nonofo faatasi i laua ia ma e lei taliaina le talosaga e tatala ai i tua ma na tulai i le faamasinoga faalotoifale i Wyong i le Aso Faraile talu ai.
