O loo faagasolo nei foi se isi suesuega i le maliu o se tamaititi talavou i se faalavelave tau taavale e lata i Kalgoorlie i Western Australia i le Aso Sa na tea nei.
O se taavale lanu paepae o le holden commodore ute na taavalevale i se auala e lē faatāina i le faaitu o Kanowna poo le ‘afa o le tolu i le aoauli.
O se tamaititi 15 tausaga o le pasese sa iai i le taavale lea na uma ai lava lona ola i le vaega na tupu ai le faalavelave.
O le avetaavale ma isi pasese e toafā na manunu’a ma auina atu i le falemai mo togafitiga.
E aofia ai tama talavou e toatolu tai 14 tausaga, o se isi tamaititi 15 tausaga ma se tamaitai 18 tausaga le matua.
O loo fia maua e leoleo nisi e silafia ni faamatalaga i lenei faalavelave.
