O le vaiaso na tea nei na maliu ai se tamaitiiti 3 tausaga ina ua lavea i se taavale.

Ua faamaonia mai e le Komesina Lagolago ia Papalii Monalisa Tia’i Keti o le tamaitiiti ua maliu sa o atu ma lona aiga i taaloga volipolo i le faletaalo Numera 1 i Tuanaimato.

E faapea tala o le auala taavale i totonu o le lotoa na tupu ai lea faalavelave. 

E lei mafai ona tu le taavale ae sa oo atu le avetaavale i le ofisa o leoleo i Faleata ma lipoti iai lea faalavelave.

Ua molia ai nei le avetaavale i moliaga o le avetaavale faatamala ua mafua ai le maliu.

O se faalavelave ua tuuina mai ai ma le tuualalo a le Komesina Lagolago i le atunuu ina ia utagia le saoasaoa faatulagaina e faimalaga ai i luga o auala, aemaise ai foi o le vaai toto’a i fanau ma tagata lautele a o faimalaga ai i le ala.