O lea ua usuai malu o le malo i le faaauauina o suesuega i le faalavelave na lipotia ane i le po anapo i le faaitu o Massey lea fai mai na valaau ane ai leoleo i Royal Rd e lata i le Waitakere Badminton Center poo le lata i le 6 i le afiafi ina ua lipotia atu se tamaitai ua manua tigaina.

O le tala faanoanoa ona ua ta’ua sa maliu ai lava si tamaitai lea i lea nofoaga na tupu ai le faalavelave ma o loo tau faamautu nei e leoleo le mea na tupu. 

Ua fautua mai leoleo i le asō o le a vaaia le toatele o malu o le malo i le faaitu lea ma o le a afea foi fale o aiga i le pitonuu lea mo le faatinoina o suesuega.

E le o faailoa maia e leoleo le tulaga o loo iai le sailiga o le tagata na faatupuina le faalaevlave.

O nisi o molimau sa o latou faamatala i le One News e faalogo atu o loo faufauee mai se tamaitai ma vaaia ai se tagata o loo taatia i le alatele.

O isi molimau na o latou ta’ua sa o latou vaaia se alii e leai se ofutino o faia, o momo’e ane ma se naifi tulou.

O loo faaauau nei suesuega.