O se tala faanoanoa foi ua amata ai lenei vaiaso i se talavou ua lipotia na uma lona ola ina ua sasao ane se afi i se fale i Hunter Valley i NSW lava i le po anapo.
Fai mai le 9News poo le 10 i le po anapo na faavave atu ai le fesoasoani faavavave i le fale lea i Alkira Ave i Cessnock ma tapē ai le afi ae tele vaega o le fale ua faaleagaina.
O se tasi e nofo ai i le fale sa togafitia ai i le nofoaga peitai na maliu i se taimi mulimuli ane.
Na faailoa i lipoti lata mai a leoleo i le asō o se tamaitiiti e na o le 16 tausaga le matua.
Ua ta’ua e leoleo o loo faagasolo le suesuega i le asō i le mafuaaga o le afi ae lipotia e lē o masalomia ai se tasi, ma ua faaoo foi faamaisega i le aiga o si talavou ua maliu.
Puna o Faamatalaga: https://www.9news.com.au/national/man-dies-house-fire-cessnock-nsw/56fb8c7f-6431-4a4e-bcde-1ab29a5326b3
