E lē o mālōlō lava le oo mai o lipoti i le tele o faalavelave e tutupu mai ona o mū e tula’i mai i le atunuu.
E pei foi ona lipotia mai ai se tasi o afi na aafia ai se fale, i le itumalo o Tasman i le faaitu o Motueka i le taeao o le Aso Sa.
Ta’ua i lipoti, na faafesoota’i ane le vaega o faalavelave tutupu faafuase’i i le tuātusi o Riwaka poo le toe 10 minute i le itula e 11 i le taeao, ma e maitauina sa tali atu ai le to’atele o sui o le vaega o le tineimu o Motueka Kaiteriteri, Tasman, Mapua, ma le vaega o tineimū a Nelson.
Faamaonia mai e leoleo e iai se tagata na tausailia i le taimi na tula’i ai le faalavelave, peita’i na maua mulimuli ane lona tino i le mae’a ai ona teineia o le afi.
Ua amata faasolo sa’ili’iliga ma iloiloga i le māfua’aga tonu na alia’e ai le mū ma ua tuuina atu le tino i le pule o maliu e faatino su’esu’ega i le maliu ai o lea tagata.
O lē ua maliu o se alii ma ua tālia nei se aotelega i lenei matāupu e tusa ai ma su’esu’ega a leoleo.
Puna o Faamatalaga: https://www.1news.co.nz/2025/10/20/man-dies-in-house-fire-near-motueka/
