Ua amata faasolo nei su’esu’ega a leoleo i le maliu o se alii.
I lipoti na maliu o ia i le falema’i i Ueligitone, ae ta’ua na afua manu’aga o lē ua maliu mai se feeseesea’iga na alia’e i Hastings.
Ae faamauina o manu’aga tugā i lona ao poo lona ulu na māfua ai le maliu o lenei alii.
Ta’ua e le sui o le auaunaga a leoleo – Acting Detective Inspector James Keene na valaau ane lo latou ofisa mo se fesoasoani i Mahora i le poo le toe 15 minute i le itula e 10 i le taeao o le Aso Toonai o le la vaiaso, na lipotia atu ai se feeseesea’iga i le va o ni alii, ma e maitauina e to’atele i latou o alii na aafia i lea vevesi.
Ma e faapea o inā na aafia ai le ulu o lē ua maliu ina ua pa’ū ma tau lona ulu i lalo.
Ta’ua e Keene na avatu lē na aafia i le falema’i i Ueligitone ma na maliu o ia i le falema’i i se taimi lava o le Aso Toonai.
Ua faamanino mai nei le talanoa ai o leoleo ma i latou na aafia i le matāupu, ma o loo o faailo foi, afai o iai se tasi na iai ma molimau i le mea na tupu ona faafesoota’i atu lea o lo latou ofisa.
Puna o Faamatalaga: https://www.nzherald.co.nz/hawkes-bay-today/news/man-dies-after-head-hits-ground-during-altercation-in-hastings/
