O lē sa taalo i le tulaga o le hooker mo le All Blacks i tausaga ua mavae, Norm Hewitt ua maliu.
Ua faate’ia ai le toatele i lea tala faanoanoa i le asō i sia alii taalo sa tele foi lona sao mo le aulakapi a le atunuu aemaise i tausinioga faavaomalo.
Fai mai se pepa o faamatalaga mai lona aiga e pei ona faailoa i le One News o le motor neurone disease ua maliu ai.
E 23 ana taaloga mo le All Blacks e aofia ai taaloga faavaomalo ma sa taalo foi i kalapu a le Hawkes Bay, Southland ma Ueligitone ma o se sui foi o le Hurricanes ma le Maori All Blacks.
O le 2005 na malo ai Hewitt i le season muamua o le Dancing with the Stars.
Sa auai foi i nisi o polokalame e tetee atu ai i sauaga ma e maliu nei ua 55 tausaga o lo lona soifua.
Puna o Faamatalaga: https://www.1news.co.nz/2024/07/16/former-all-black-norm-hewitt-dies
