Uma le soifua o le tina Northland i le aoauli o le Aso Tofi ina ua ‘ai e le taifau.
Lipotia o lea tina sa tautau lana tagamea i le taimi na sao atu ai le taifau i lo latou fanua ma osofai.
Molimau ai St John Ambulance e toalua isi tagata na faamanu’alia ai ma o le toatasi o i laua nei na auina atu i le falemai i Kawakawa i Bay of Islands.
Ta’ua mai ai e le Herald na fana e le tuaoi le taifau ae e lei oo atu leoleo, ma e taunuu atu foi leoleo ua uma le soifua o le tina.
Faamaoniga mai leoleo e lē o iai se tulaga faapopoleina i le lamatia o tagata o le komiuniti i lenei mataupu, ma o le taifau foi ua mate.
