E lei mafai ona faasaoina mai le soifua o se teine talavou 16 tausaga le matua lea na poloka pe mau lona tino se’i tulou i lalo o le tram i le ogatotonu o le taulaga i Sini ma maua atu ai i luga o le auala o le tram i le vaeluaga o le po o le Aso Tofi.
O loo lipotia e le 7News o se tala faanoanoa na valaau ane ai le fesoasoani faavavave i George Street i Haymarket ina ua iloa lea tulaga.
Fai mai leoleo e tigaina manu’aga o le teineititi ma sa faia iai togafitiga a paramedics peitai e lei manuia.
O le ave tram o se alii e 52 tausaga le matua na aveina i le falemai mo le faia iai o suesuega ma o le taimi nei o loo galulue leoleo i le faatinoina o le suesuega i lenei faalavelave pe na faapefea ona tulai mai.
O loo feagai foi leoleo ma le suesueina o se tasi foi faalavelave tali tutusa na tulai mai foi i le M2 i Macquarie Park na lavea ai se alii 26 tausaga i se van ma maliu ai lava.
