Ua maliu le tamaitiiti na maua i le Koviti ma e i lalo o le 10 tausaga le matua. 

O le faamaoniga lea mai le soifua mālōlōina ma o lea tamaitiiti o loo aofia faatasi ai ma le 17 tagata i Niu Sila ua maliliu a ua maua i le vairusi. 

O le to’asefulu o i latou nei o alii, ma le to’afitu o tamaitai ma o nei tagata maliliu na faamauina i totonu o le 24 itula e oo mai ananafi. 

Mai lea aofa’iga o le 16 o i latou e i le va o le 50 i le 90 tausaga se’ia vaganā ai le tamaitiiti lalo o le 10 tausaga. 

E oo mai ananafi ua 1,432 tagata maliliu ua lipotia i totonu o Niu Sila talu ona sau le Koviti.