Ua maliu le tamaitai na maua ma manuaga tuga ona o le pulufana.
E 28 tausaga o Korrey Rose Whyman o Kawerau na maua i totonu o le taavale o loo paka i luma o le faleoloa i le vaveao o le Aso Sa.
O lē ua maliu e faapea e maua o loo nofo i le nofoa o le pasese poo le passenger seat ma o loo tigaina ona o lona manu’aga.
O lea sa auina atu i le falemai i Waikato, mulimuli ai uma lona soifua ananafi i le falemai.
I nisi o lipoti lata mai o lenei faalavelave, i le OneNews i le asō, se faamatalaga mai leoleo o loo ta’ua ai, o le taavale na iai lea tamaitai, sa fana ane mai se isi taavale, lea na lavea ai Korrey.
Na amata mai lenei faalavelave i le State Highway 33 e latalata i le malaevaalele i Rotorua, lea na fai mai ai tuliga a nei taavale ma tafana mai ai e le isi taavale agai i le taavale i luma.
Ua suesueina nei lona maliu, o lea na fasiotia e se tasi ma ua talosaga mai ai foi le ofisa i soo se tasi e silafia nisi faamatalaga e fesootai atu iai.
