E tomua atu i se tala faanoanoa mai Ausetalia i Saute lea ua faamaonia mai ai i le asō le maliu foi o le tamā e 46 tausaga lea sa malaga faatasi ma lona atalii ma lana uo tamaitai i le taavale e a’o lana avetaavale ae faafuasei ona tupu ai le faalavelave na aafia uma ai i latou e toatolu.
O le alii e suafa ia Jaxson Montague sa aoao lana avetaavale a o iai faatasi ma lona tamā o Daryl sa faatonutonuina faapea ma lana uo tamaitai o Ashanti Smith ae tupu ai le faalavelave ina ua see ese le taavale i le itu sese o le auala i le highway ma fetoai ai ma se laau i le itu i le aso 27 o Tesema.
Na agai mai le latou taavale mai Port Pirie e ui ae i le Augusta Highway, na maliliu ai lava nai talavou ia i le nofoaga na tupu ai le faalavelave ae taofia le tamā lea e 46 tausaga i le falemai i Adelaide peitai la ua maua le tala lata mai ua maliu ai lava i le falemai.
