Ua maliu le tama lea na fana e leoleo i le Aso Faraile.
O le tama lea na tuuaia i le gaoiina o le pamu penisini i Sisifo o Aukilani i le taeao o le Aso Faraile ma o lea foi na ia faapāpā ane le laau malosi i leoleo e le gata a o iai i le pamu penisini ae faapea le taimi na tuli ai i luga o le alatele.
I lipoti e faapea e faafitu lelei ona ia fanaina le taavale leoleo a o lei oo i le ofisa o leoleo i Henderson lea na faataututū ai ma leoleo ma iu ai loa ina fana e leoleo.
Sa faia ai lona taotoga ma o le afiafi lava o le Aso Faraile na faamaonia mai ai loa ua uma lona ola.
O loo faia suesuega a le ofisa o leoleo faapea ai ma le vaega tutoatasi e faatatau i lenei mataupu.
E na o le toatasi le leoleo na faamanualia ai i pulufana ma e oo mai ananafi o loo tatala mai pea e leoleo le avanoa e fesootai atu ai i latou na molimauina pe na iai foi i le taimi na tupu ai lea faalavelave.
