Ua maliu le alii na tatui i le vaiaso talu ai i Kalaiesetete a o alu ai e faasavali lana taifau.
O le taeao o le Aso Gafua o le vaiaso talu ai na maua ai lē ua uma lona soifua ma ona manuaga tuga.
Mai lea taeao o lea sa taofia lava i le falemai i Kalaiesetete seia oo ai ina uma lona soifua ananafi e tusa ma lipoti a leoleo.
O le mataupu lenei na ave ai e leoleo le alii 18 tausaga ma le tamaitai 23 tausaga le matutua ona o le faaoomanua ma o le maliu ai o lea alii ananafi ua toe iloilo ai nei e leoleo moliaga.
E lei afaina le taifau a lē ua maliu i lenei osofaiga, ma o le taifau foi lea na foi na o ia i le fale na iite ai le aiga e iai le mea ua tupu i lea taeao.
