Ua maliu se tamaitai e 47 tausaga le matua i le mae’a o se faataututūga ma leoleo sa faaaogā ai e leoleo se taser.
Na valaau ane leoleo i se poloka o units i le faaitu e igoa o Stockton le ata i Newcastle na feta’ua’ina ai se tamaitai o loo ia faafefe ni tagata i se to’i.
Fai mai lipoti a le 9News sa faafefe ai foi e le tamaitai lea leoleo i le auupega lea ina ua taunuu atu ma sa ia loka o ia i totonu o le unit faatoa mafai ona ulufale leoleo i le tea o le ‘afa o le 9 i le po o le Aso Tofi.
Ta’ua i lipoti na faaaogā e leoleo a latou metotia e taumafai ai e aveese mai le tamaitai mai lea nofoaga e aofia ai la ma le faaaogāina o le taser.
Na ave o ia mulimuli ane i le taavale a le falemai i le maota gasegase lea na maliu ai lava.
O loo faia nei le suesuega pe o le ā tonu le mea na tupu ae pe ogaoga foi ni ona manu’aga fua i le maliu.
