E toalima tagata na maliliu i luga o le auala i totonu o le aso malolo o le Waitangi o lenei tausaga.

O tagata maliliu nei ananafi na mafua mai i faalavelave tau taavale e tolu.

O le taeao ananafi e toatolu na maliliu i faalavelave e lua i luga o le State Highway 4 i le ogatotonu o le North Island.

Ona oo lea i le tea o le lua i Central Hawke’s Bay na maliu ai le tagata tietie pasika i luga o le State Highway 50.

O le faalavelave lata mai na tupu i le afiafi ananafi na maliu ai le toatasi a o auina atu ai i le falemai ona o le faalavelave na tupu i Clareville i Ueligitone.

E ese mai tagata ua ma’umau soifua ona o faalavelave tau taavale, e toalua isi o loo manunua tigaina o loo i le falemai i Ueligitone.