E le o mapu le faamanatu a leoleo e tautuana le saogalemu i luga o le auala.
E toafa tagata na maliliu i luga o le alatele i Central North Island i le faaiuga o le vaiaso.
O le aso ananafi na maliu ai le toatasi i Bay of Plenty, ae manua tigaina le isi toatasi.
O le taeao lava foi na maliu ai le toatasi i le va o Ueligitone ma Wairarapa ma o lea na tapunia ai ma se vaega o lea auala.
O le po o le Aso Toonai o se pasika na lavea e latalata i Waikato, ma o ia lea na maliu ai lava i le nofoaga na tupu ai.
O le po lava foi lea o le Aso Toonai na maliu ai le isi toatasi i Taupo ae faamanualia tigaina le isi.
