Ua faai’uputa le tafaoga a se tasi o aiga i Sini i le faai’uga o le vaiaso talu ai ina ua maliliu ai se tamā ma sona afafine, na lavevea i le train.
Fai mai le lipoti a le 9News o se tamā ma lana fanau masaga e toalua o teine sa ave ane i le la pram.
E ta’i 2 tausaga le matutua o teineiti fai mai na see ane le pram sa iai i totonu agai i le auala o le train, taumafai ane si o la tamā e laveai ma maliu ai lava faatasi ma le isi o le masaga ae lei afaina le isi.
O loo ta’ua i le lipoti sa iai ma le tina o teineiti ma fai mai leoleo o se tala faanoanoa ma o le faalavelave na tupu i le nofoaga o le train i Carlton e lata i Kogarah i le itu i Saute o Sini.
O loo faia le suesuega ae toatele nisi na molimauina le faalavelave ua misi alofa i si tamā ua maliu a o taumafai e laveai si ana fanau.
O loo i le falemai o St George le tina o teineiti ma le isi o le masaga ma sa faaoo foi iai faamaisega e le Premier o NSW, Chris Minns i si aiga ma faafetaia foi le galuega a le fesoasoani faavavave.
Puna o Faamatalaga: https://www.9news.com.au/national/new-south-wales-woman-and-child-killed-at-sydney-train-station-after-pram-rolls-on-tracks/7309bd16-d59f-431b-80e4-248dd3cae612
