Ua malilie nei faletupe tetele i Ausetalia e toe totogi atu tupe i le oo atu i le miliona o paaga a le ANZ, Commonwealth ma le Westpac ina ua manumaloina le latou finau i le faamasinoga.
E oo atu i le miliona tagata Ausetalia e ono agavaa mo taui mai faletupe tetele nei e tolu lea ua malilie o le a latou toe totogi le silia ma le 126 miliona ona o se mataupu na ave ai i le faamasinoga ua auaufaatasi iai paaga.
O le vaiaso nei ua faia ai lea maliega i le va o faletupe ma le ofisa loia o le Slater and Gordon.
O le mataupu e aofia ai inisiua sa o latou faatauina i paaga e faia ni a latou nonogatupe ma credit cards.
Fai mai loia na finauina le mataupu o le malo ai i le finauga lea o se tasi lea o auala e faia e tagata e luitau ai ofisa tetele.
