O le asō lea na ta’ua mai ua taunuu ai le faigamalaga a le Tamaitai Palemia o Niu Sila e feiloai ma le Palemia fou o Ausetalia, Anthony Albanese i Sini. E lē o tele ni faamatalaga o avanoa mai o lea feiloaiga.
Taua e le 7News e le taumate o le a talanoaina ai I lea feiloaiga le mataupu e faatatau i le toe tipoti atu I Niu Sila o ona tagata e solitulafono i Ausetalia nei e pei ona iai nisi mataupu muamua.
O loo talotalo nisi o tagata NIu SIla i Ausetalia ina ia talanoaina ai I lea feiloaiga ma nisi mataupu e ono maua ai se fesoasoani mo tagata Niu Sila o loo aumau i Ausetalia nei aemaise o lea ua iai le suiga i le faigamalo aemaise o le faafaigofie foi o feoaiga i le va o atunuu e lua.
O le taimi nei o loo feagai le to’atele o tagata Ausetalia ma se faatuai i le mauaina o tusifolau mo faigamalaga i atunuu i fafo ona o se faatuai mai le ofisa o tusifolau lea ua o latou fautuaina le atunuu e tatau ona faataga le oo atu i le 6 vaiaso e faatali ai mo talosaga o tusifolau a o lei malaga.
O se taimi la o le asō o loo tālia ai se isi lipoti lata mai i le faigamalaga mai a le Tamaitai Palemia ma le feiloaiga ma le Palemia o Ausetalia
