O le asō e tuua ai e le minisita o le va i fafo a Niu Sila, Nanaia Mahuta Niu Sila mo Saina auā feiloaiga ma taitai o Saina faapea nisi o faamoemoe.
O lea faatoa toe malaga ai lea o se minisita mai Niu Sila i Saina talu mai le 2019, ma ua faia ai i le mae’a faamanatu o le 50 tausaga o faiga faapaaga i le va o Niu Sila ma Saina i le tausaga talu ai.
O feiloaiga o le a faia lea i Beijing, ma o mataupu o le a talanoaina e aofia ai aiātatau a tagata soifua, siosiomaga faapea le taua i Ukraine.
E iai foi mataupu tau fefaatauaiga o le a lotea ai aemaise o le itu e mafuli iai le lagolago a Niu Sila i mataupu faavaomalo ma le saogalemu.
O se faigamalaga o le a maua ai foi le avanoa o Mahuta e feiloai ai ma taitai o pisinisi ma auai ai i se tasi o faatasiga faia faapitoa mo tamaitai o loo tulai o ni taitai.
