Ua taunuu le Palemia o Ausetalia i Singapore ma sauni ai e faia sana saunoaag i nisi o faiga faavae tau mataupu i le va i fafo.
Ua faailoa o Albanese o le a ia fofogaina le lauga autu o le fonotaga a le itulagi lenei o loo faagasolo i Singapore.
Ua faailoa mai i le taeao ananafi sa iai le fuafuaga e feiloai Albanese ma le Palemia o Singapore Lee Hsien Loong mo sa la fonotaga peitai ua toe faataatia ese lea tulaga ona ua faamaonia le maua o le Palemia o Singapore i le koviti.
O le a feiloai la Albanese ma le sui Palemia Lawrence Wong e faatalanoa nisi mataupu i le va o atunuu e lua.
O le asō lea lea e malaga ai le Palemia o Ausetalia i Vietnam mo sa la feiloaiga ma le taitai o lea atunuu.
