E lua isi ituaiga variants fou o le Koviti-19 lea ua matauina le oo mai i totonu o Niu SIla ma ua faailoa mai o loo mata lelei e le toatele o i latou atamamai i tulaga tau le soifua maloloina.

O le XBB variant lea ua faalua nei ona faamauina i Niu Sila atoa ai ma le BQ 1.1 ua matauina mai i le wastewater i nisi o faaitu pei o west auckland, Rotorua ma Porirua i le vaiaso talu ai. 

E le o iai se faamaoniga i le taimi nei e tigaina atu nei variants fou nai lo le omicron ae o loo galulue faatasi pea le matagaluega o le soifua malooina ma nisi o ana paaga e mataitu ia variants fou.

Fai mai le biologist o David Welch mai le Iunivesite Aukilani i le taimi nei e le o manaomia le toe agai o le malo e faia mai sā ma vavao e pei ona sa faatino talu ai i le taimi o le  malosi o le pepesi o le koviti.