O loo vaavaai le pulega a le Waka Kotahi i le ono totogi o nisi o auala o loo faaaoga e taavale.

O toll charges nei ua mafaufau le pulega e faaleleia ai le polokalame ua ta’ua o le New Zealand Upgrade Programme.

E lei mamao atu na sainia ai le maliega $39 miliona e faaleleia ai tekonolosi faapea le mafai e faaopoopo ai auala o loo totogi pe a uia.

I le taimi nei o lea o loo faatali i le faaiuga a le malo e iloa ai pe totogi le auala 7km i le va o le Whangaparaoa Peninsula ma le State Highway 1.

E ese mai i lea o loo vaavaai foi pe totogi le isi lua lea e iai le auala o loo agai i Matu o Levin faapea ai le va o Tauranga ma Te Puna.

O ni fuafuaga o loo faamoemoe uma i le tulafono ma ana puipuiga lea e na o le minisita o femalagaa’iga e mafai ona ia fautuaina le taunuu, ma e tatau foi ona faamalieina o loo iai le lagolago a le komiuniti atoa ai ma le isi o se isi auala e mafai ona ‘alo iai avetaavale e le mananao e faaaoga ne’i totogi.

I le taimi nei e na o le tolu auala a Niu Sila o loo totogi pe a uia e taavale.