Ua mafai nei ona pipii le faaupuga o le non-binary i luga o pepafanau Niu Sila ma ua aloaia ai nei le suiga e le tau talosaga i le faamasinoga e faamaonia ai pe o se alii poo se tamaitai.
O le faasilasilaga lea ananafi mai le matagaluega o le va i fafo, ma i luga o lana upega tafailagi o lea ua iai faaupuga e suia agai iai ina ia ausia ai faiga tutusa.
O le non-binary o le faaupuga fou lea ua sau ai i le suiga ua faailoa mai e mafai ai ona filifili e faaaoga pe a lē manao i le “male” poo le “female”.
Mo i latou e i lalo o le 15 tausaga o le talosaga e moomia ona faaulu e lē o loo vaaia poo le matua, ma e moomia se tusi e lagolago ai mai le third party poo i latou nei e aofia ai fomai, tausi soifua, social worker ua aloaia poo se isi lava tagata ua 18 agai i luga le matua ma ua silia ma le tausaga o silafiaina lē o loo faatalosaga.
E ese mai i le non-binary, o lea foi ua mafai ua iai le self-identification process e le toe tau moomia ai le tāpā o faamaoniga a mea sa faia ai se taotoga ma o lona uiga ua faigofie ona faatalosaga sa’o agai i le Registrar-General ma saini pepa.
