O le alii e 20 tausaga lea na tuuaia i se faalavelave o le ave faamalosia o se tagata i le aso o le Boxing Day i Aukilani ua mafai nei ona faailoa lona igoa, o Jovan Pora.
Sa tulai lea alii i luma o le faamasinoga faaitumalo i Manukau i le asō ae o le faalavelave na uma ai le soifua o se tasi tagata i se faalavelave tau taavale i le motorway i Aukilani.
Fai mai leoleo na maliu lea tagata i le taeao o le aso 26 o Tesema le Boxing Day faatoa tea atu nei.
Faailoa i lipoti a le Stuff o loo faatalanoa nei pe siitia moliaga i le fasioti tagata paivalea poo le fasioti tagata faamoemoeina, ae o lē o loo tuuaia sa muai molia i le ave faamalosi o se tagata ma le lē usitaia o nisi o tulafono ma ua toe faatulaga nei e tulai Pora i le faamasinoga i le amataga o le masina fou o Fepuari.
