Ua iai lipoti ua faasalalauina ile aso I le stuff o loo taua ai le suafa o le alii fusu o Joseph Parker.
I lea lipoti o loo faailoa ai e talitonu le Crown sa iai se sootaga o Parker ise operation faavaomalo e aofia ai le fualaau faasaina o le aisa.
O se faamasinoga tele sa faia I le 2019 lea na faamaonia ai moliaga o ni alii se toatolu faatatau I le aumaia o le fualaau faasaina o le aisa mai Kalefonia ma le sapalaia o fualaau faasaina I Aukilani, o loo taua e manatu le Crown sa iai se sootaga ile alii fusu.
Lipotia e lei faia lava e leoleo ni moliaga o Parker e ui sa tuuina le faatagana e sue ai e leoleo lona fale peitai e lei faatinoina, Sa teena uma foi e Parker tuuaiga faasaga ia te ia I lea mataupu.
Talu mai le masina o Aperila 2019 sa le mafai ona faalauiloaina faalauaitele lona igoa peitai la o le aso ile faamasinoga maualuga sa teena ai lana talosaga.
Oloo taua foi I lea lava lipoti le finau a loia a Parker faatatau I isi ana fusuaga, faapea foi ma se faamatalaga mai lana manager e uiga I le mataupu lea ma le sao o le alii fusu I le komiuniti I Aukilani I Saute. O loo taua ile lipoti le finau a le Stuff e taua le fesiligia foi o leoleo ile faaiuga e le faia se suesuega ile fale o le alii fusu, lea e le o faailoaina se mafuaaga na le faataunuuina ai.
