Ua faaamaonia e le malo i le taeao analeila o le a mafai pea ona faaaooga ma lesitala tamaiti aoga faavaomalo pe mai isi atunuu, e i lalo ifo o le tausaga 9 i aoga i Niu Sila nei. O le mataupu lea sa faia ai se iloiloga ia Novema o le tausaga talu ai ma faamae’a ai i le aso 11 o Mati.

O pepa o faatalanoaga a le matagaluega o le Soifua Maloloina ua matauina ai popolega i le mataupu lea e pei ona faatalanoaina ai foi muamua le fuafuaga lea ina ia faaitiitia le aofai o tamaiti aoga faavaomalo i aoga maualalalo i le atunuu.

Fai mai le minisita o aoga, Chris Hipkins, a’o lei oo mai le faama’i o le vaega lea o aoaoga sa maua mai ai le faitau piliona mo le atunuu ma aoaoga. E oo atu la i le 5 afe avanoa mo tamaiti aoga mai fafo e aoaoina ai i Niu Sila amata atu i le aso 31 o Iulai ona mafai ona lesitala i aoga a Niu Sila pe a agavaa.