Ua folafola e le sui premier ma le minisita o le soifua maloloina a Kuiniselani ua mae’a aloaia nei le wave lona fa o le pepesi a le Koviti-19 i le setete, o lona uiga la o le a lē toe manaomia foi ona faaaogaina talifofoga i le setete.
O le folasaga ua faia i le asō ma faailoa ai le maualalo o le numera o tagata ua pesia i le faamai.
O le a lē toe manaomia pe faamalosia le faia o talifofoga i nofoaga faitele ma nofoaga tau le soifua maloloina.
Sa iai nai fetuunaiga talu ai nei sa faia i le setete ina ua toe vaaia le maualuga o le aofai o tagata ua aafia i le faamai, peitai la o lea ua toe faaitiitia lea aofai e pei ona faamaonia e le matagaluega o le soifua maloloina.
