Ua faamata’u ane fitafita i le motu o Madagascar o le a o latou faoa nofoaga autū o le televise a le atunuu a o faatalitalia le Peresetene o Andry Rajoelina e faia sana tautalaga i le atunuu.
Ua ta’ua i lipoti a le BBC e iai faamatalaga ua maua ae le’i faamaonia e faapea ua sola ese le Peresetene.
Feta’ua’ina le aga’i atu o se vaalele a le militeli a Farani ma aveese mai le Peresetene mai le atunuu ma ave atu i se nofoaga e lē o faailoaina.
Ua tula’i mai ia gaioiga uma i le mae’a o le lua vaiaso o faia pea solo tetee ma taumafai tagata e aveese le Peresetene mai lona tofi.
I le faai’uga o le vaiaso na te’a nei na faailoa ai e le vaega ua faaigoa’ina o le CAPSAT, se vaega o le ami a le atunuu, o latou lea ua faatonutonuina vaegā’au uma i le atunuu.
A itiiti mai e to’a 22 tagata na fasiotia ma le silia ma le 100 na manunu’a i solo tetee na faia i le atunuu.
O loo tālia la se faamaoniga pe moni ua sola ese Rajoelina ma Madagascar ae poo le ā foi le tulaga o le a iai lea atumotu i le Vasa Initia.
Puna o Faamatalaga: https://www.bbc.com/news/articles/cgkzyek0jxro
