Ua valaau nei le Peresetene o Lusia, Vladimir Putin i le tusa ma le 160 afe o alii e i le va o le 18-30 tausaga le matutua i lona atunuu mo le faamoemoe ina ia faato’ateleina ai le aofa’i o lana militeli.
Sa faailoa e Putin i se taimi ua tuana’i ua tatau ona faaopoopo le numera o lana militeli ia lalata i le 2.39 miliona ana fitafita ma i latou o loo tautua i vaega’au i le taimi nei e 1.5 miliona.
O i latou fou la o le a tali atu i le valaau lea a le Peresetene o le a lē tuuina atu e tau i Ukraine auā sa iai foi nisi lipoti talu ai nei o fitafita Lusia na fasiotia i le taua i le tuaoi o Lusia.
Fai mai le lipoti e ui ua teena e Lusia le fuafuaga sa faatalanoa ma Amerika e faatatau i le faamuta o vevesi ma Ukraine ae sa o latou ioe ane i le taofia o osofa’iga e faia i nofoaga tau malosi’aga i le aai o Kherson lea o loo motusia ai le eletise i le tusa ma le 45 afe o tagata.
Puna o Faamatalaga: https://www.bbc.com/news/articles/c36718p52eyo
