Ua lipotia le faaopoopo pea o le aofa’i o tupe ua totogi i tagata e aga’i ane e lesitala ma auai i le militeli a Lusia.
A o faagasolo ai pea ana taumafaiga ina ia sana faato’ateleina le militeli ua ta’ua ai i lipoti a le CNN, o se faamatalaga mai nisi o loo mata’itūina lea fuafuaga ua ta’ua ai ua lē o toe lava na o campaign e faailoa ai finagalo ma aikia poo mafaufauga e faaosofia ai tagata e auai i le militeli a le atunuu, peita’i ua mana’omia lava ona totogi tupe e pei ona faia nei ma ua tetele foi vaegatupe o ponesi ua faaaogāina.
O le tele o faaitu o le atunuu ua faia ai le faiga lea auā e to’atele le ‘aumaliliu o le militeli a Lusia sa iai i le taua faaauau ma Ukraine lea fai mai ua lē taumate ua oo i le miliona fitafita a Lusia ua fasiotia ma manunu’a talu ona amata ia vevesi i le tolu ma le ‘afa tausaga talu ai.
Fai mai la o le faamuamua lea a le vaega o le puipuiga a Lusia ua iai nei o le faato’ateleina o lana ‘autau, pau le mea e mana’omia o le saini o pepa ae lē tau mana’omia ona nofo ai le tagata i le itumalo o loo saini ai.
Ua faailoa e le CNN o nisi totogi amata mo fitafita pe ā ma le $2,600 ua faaluaina ai le totogi masani o le tagata faigaluega lelei i Lusia.
Puna o Faamatalaga: https://edition.cnn.com/2025/10/07/world/russian-regions-military-recruitment-bonuses-intl
