E le’i lelei le faamanatuina ‘o le Aso Sa o le laupama i le aai o Sumy i Ukraine ona o osofa’iga a Lusia i lea faaitu ua maliliu ai tagata e 35 ma le silia ma le 100 ua manunu’a.
Fai mai le CNN o le to’atele o ia tagata sa auai i sauniga o le Aso Sa o le laupama ma faagasolo polokalame e pei ona masani ai o lo latou soifuaga.
E to’alua tamaiti o loo aofia ai i le aumaliliu e pei ona faamaonia mai e le State Emergency Service a Ukraine.
Ta’ua e le Peresetene o Ukraine o osofa’iga na faaaogā ane ai missiles na aafia ai se fale o se iunivesite ma luga o le alatele ma ua valaau ai Zelensky mo se tali malosi mai le lalolagi e tusa o lea osofa’iga aemaise faato’ā lua aso talu ona mae’a le fonotaga a le sui o Amerika ma le ta’ita’i o Lusia, Vladimir Putin ma vaaia ai ata o lūlūlima i le mae’a o le 4 itula o le fonotaga.
O le faamatalaga ua ta’ua i le lipoti mai le vaega o le militeli a Lusia na o latou ta’ua ai o loo taula’i lava osofa’iga i le militeli a Ukraine ma vaega tau militeli o loo lalata ane iai.
Puna o Faamatalaga: https://edition.cnn.com/2025/04/13/europe/russian-strike-sumy-ukraine-intl/index.html
