O le Peresetene o Lusia, Vladimir Putin ua aga’i atu nei mo sana malaga faalemalo i Tajikstan e faia ai ni fonotaga ma ta’ita’i o lea faaitu sa avea muamua ma vaega o le Soviet Union.
O fefaataua’iga ma isi sootaga ma atunuu ia i le ogatotonu o le Atu Asia ua faateteleina le taua mo Lusia aemaise le tele o sā ua faia faasaga ia i latou ma gaioiga faamiliteli i Ukraine.
E tele la fonotaga o le a faia a Putin ma sui mai ia atunuu ma o le a faia foi ma se fonotaga e auai atu ai ta’ita’i o Armenia, Azerbaijan ma Belarus e talanoa ai se sootaga faapaaga ma isi atunuu sa iai muamua, Soviet Nations.
O le vaiaso nei ua 73 ai tausaga o le soifua o Putin ma e tolu aso o lana faigāmalaga lea i le ogatotonu o le Atu Asia.
Puna o Faamatalaga: https://www.9news.com.au/world/vladimir-putin-visits-former-soviet-republics/875495e0-c1f3-40bf-a67b-51af1f8642c5
