Fai mai e iai le mafuie na lulu i gataifale o Niu Sa Uelese i le taeao analeila ma e 3.3 le malosi i le fua mafuie.
O le Geoscience Australia na o latou faailoa o le mafuie na faamauina i gataifale o Batemans Bay i le South Coast ae lei taina le 8 i le taeao ma o lona loloto e 10km.
E le o iai ni lipoti o ni mea ua faaleagaina i le taimi nei ae ua faailoa foi e le ofisa lea o Ausetalia e mātele lava ina saogalemu mai mafuie faapea ona o Ausetalia e saofai lelei i le ogatotonu o le Indo Australian plate ae le faapea o le a lē aafia ai i ituaiga faalavelave tutupu faafuasei faalenatura.
O le tausaga na tea nei na aafia ai i itu i Sasae o Melepone i se mafuie e 5.8 le malosi i le fua mafuie ma faaleagaina ai nisi o fale.
O le aso ananafi na aafia ai Indonesia i le mafuie e 5.6 le malosi ma o loo faaopopo pea le aofai o le aumaliliu ma manunua mai lea faalavelave.
