Muamua atu ise tala lata mai o le taua I Ukraine ua iai lipoti I le aso ua taua ai le togi ane o se lu’I a le alii pilionea o Elon Musk agai ia Vladimir Putin mo sa la fetauiga, single combat ma ua faia ane lea lui I luga o le upega tafailagi o le twitter.
E lei leva atu nei ona ofoina e Musk se uta o antennas e fesoasoani ai I tagata Ukraine mo le faaaogaina I fesootaiga I le initanei aemaise o le motusia o le eletise I nisi vaega o le atunuu. Fai mai le 9 News o le lui ua faailo atu foi I le Kremlin ma ua fesiligia ai e Musk pe taliaina le lui ua tuuina atu.
E manatu nisi e pei ona faailoa I le upega tafailagi, o Ukraine e le o se mataupu e faia iai ni petipetiga a Putina ma Musk, ae fai mai foi nisi finagalo faaalia, afai e fia fesoasoani ia Ukraine, momoli iai se fesoasoani tupe poo ni taumafa ma auupega.
E lei faia ane la se tali a Putin poo Lusia I lea lu’i.
