Ua faamaonia moliaga o le gaoi o le tina na gaoia meli mai le falemeli i Kalaiesetete.

E lua tausaga o faia e lea tina 40 tausaga le matua, lea solitulafono ma e faapea e lē o se tagata faigaluega poo se konekarate foi ae o lea lava na sao i totonu o le falemeli i taimi e mānava ai galuega.

E lē o mafai ona iloa atoa le tele o meli na gaoia e le tina talu mai le 2020 ona e iai meli ua ia faaleagaina.

Faaalia ai e le NZ Post le lē fiafia ona o le aafia o ana paaga, ma ua faatoese ai foi i tagata ua afaina atoa ai ma le toe vaavaai i auala e malupuipuia ai meatotino a tagata.

Ua lapatai mai ai ma le pulega i paaga uma a le NZ Post e aua ne’i lafoina ni tupe, vouchers poo gift cards i totonu o faamomoli ma faaaogā le auaunaga ua taua o le tracked courier.

O le aso 12 o Oketopa e lauina ai le i’uga o lē ua faamaonia lana solitulafono.