O se tasi lenei o anavatau a Malo Aufaatasi i le faaitiitia ai o le faaleagaina o le ea mai kasa kaponi e pei ona iai le faamoemoe a le Faalapotopotoga o Polokalame o Atina’e a Malo Aufaatasi ma le poloketi o loo galulue ai le Matagaluega o Siosiomaga i atina’e faaauau.
O nei taavale o loo taulamua ai le kamupani taavale a le Hyundai Ford Samoa ina ia fesoasoani i galuega o loo taumafai ai ia faaitiitia le faaaogaina o le faaleagaina o le ea mai taavaleafi.
Mai le pepa o faamatalaga, o nei taavale e maualuga le tulaga o lona faatotogaina e aofia ai le 150 kilouati o le afi eletise ma le 64 kwh le malosi o le maa.
Saunoa le Pule o le kamupani taavale Simon Fruean i le fesoasoani ai o le kamupani i lenei faamoemoe tāua.
“O se vaega i lenei faamoemoe tāua ua faataitaia ai le faasoa faatasi a le Ford Hyundai Samoa, le UNDP, ma le MNRE e una’ia fofo o femalagaa’iga e gafataulimaina i taumafaiga faifaipea i le tetee atu i suiga o le tau.”
E tasi ua tuuina atu i le poloketi o loo gafa ma polokalame tau malosiaga faafouina i lalo o le Matagaluega a le Siosiomaga ae o le isi o le a faaaogaina lea ele faalapotopotoga aua le unaia ma faalauiloaina lenei vaega taua e ala i ana auaunaga faatino.
O le a faaauau pea le galulue faatasi ai o nei vaega ina ia faamalosia le unaia o nei vaega tāua ina ia maua le malupuipuia o Samoa ma ona tagata mai suiga o le tau ua iai nei.
