E lua supamaketi a le New World ua faasala ona o le tatala i le Aso Faraile o le Eseta.
O lea o loo tumau pea le tulafono e solitulafono le tatala o pisinisi i le aso o le Kerisimasi, Good Friday poo le Aso Faraile o le Eseta, Aso Sa o le Toetu ma le taeao o le aso o le ANZAC lea e faatoa mafai ona tatala faleoloa i le itula e tasi i le aoauli.
Peitai o le Greta Enterprises o loo fefaatauai i le igoa o Wanaka New World ma le New World Three Parks e lei usiusitai i le Eseta o le tausaga faatoa uma atu, ma o lea ua faasala ai e le faamasinoga faaitumalo i Kalaiesetete.
Molimau a le matagaluega o pisinisi o lea lava sa lapatai faleoloa nei e lua, peitai na tatala lava i lo laua loto faitalia.
O se faanoanoaga i le matagaluega le lē usiusitai o faleoloa nei, aemaise o lala a le supamaketi tele i totonu o le atunuu.
E $750 le faasalaga tupe o loo totogi e le faleoloa e tasi.
