Ua faamatala ma le mafatia e se tasi o tina le taimi na ia vaaia ai i lana tusitupe se teugatupe/deposit e $210 Ausetalia ae oo ane i le aso na sosoo ai ua ia vaaia ua leai lana $200 afe sa i lana tusitupe.
O le tina lea mai Melepone ma ua faailoa i le Channel 7 na aafia lana tusitupe i faiga a le au solitulafono lea e faia i luga o upega tafailagi ma na te fia faasoa lana tala ia fesoasoani ai i se isi poo nisi foi ia ‘alofia le aafia i lea tulaga.
O lea tina o Donna Brian, 56 tausaga na ia faamatala na valaau ane le tagata ia te ia fai mai e faigaluega i le faletupe lea ma fai ane e mana’omia le toe faafoi atu o le $210 sa tuuina i lana account. Ta’ua e Donna e lei fesili ane i sana tusitupe poo se password ae na ia vaaia mulimuli ane le aveesea o le tupe tele lea mai lana tusi.
O feutana’iga ma le faletupe na toe faia mulimuli ane ua toe totogi ai e le faletupe lana seleni ae na te fia fesoasoani i le atunuu e ala i le faasoa mai o lea tulaga ia nofouta foi iai.
