E toatele o loo faamanu’alia i faalavelave e lua ua lipotia mai ai le lavevea o ni pasi i luga o le State Highway 8.

Na faamatala e nisi na tau mai iai i lea faalavelave, o le isi pasi na lavea e lata i Tekapo ma sa maitauina e iai nai tamaiti o loo aafia ai i manu’aga faapea tagata matutua e fai si tugā o manu’aga.

Fai mai molimau pe ā ma le 100 mita le va o pasi ma e toatele pasese sa iai i luga e talitonuina o ni tagata tafafao maimoa atu i le atunuu.

Ua faailoa e nisi i lipoti a le stuff.co.nz na faaletonu pasi ina ua oo i vaega o le alatele o loo iai black ice ma sesee ese ai pasi mai le alatele.

Na ta’ua i isi lipoti o i latou sa i luga o pasi o ni tulisi mai Saina ma sa togafitia le toatele i le vaega na tupu ai faalavelave ae toafā ua ave atu i le falemai.

O loo faia suesuega ma ua tapunia foi ma lea magaala.

Puna o Faamatalaga: https://www.rnz.co.nz/nws/national/522464/four-people-in-hospital-after-two-buses-crash-on-state-highway-8-near-tekapo