E lua aai o Ausetalia na lulu ai mafuie i le po anapo.
Ua lipotia o le 15 e tea ai le 10 i le po anapo, na lulu ai le mafuie i Cairns e tusa ma le 125 kilomita mai le gataifale.
O le malosi o le mafuie e 4.3 i le fua mafuie.
O le isi na lulu i le Pillar Valley i le itu i Saute i Sasae o Grafton i le itu i Matu o Niu Sa Uelese ma o lona malosi e 3.1.
Na lulu le mafuie lea poo le ta o le lua i le vaveao analeila.
E leai ni lipoti o ni mea o faaleagaina poo nisi o aafia i ni manu’aga ae molimau tagata mai le faaitu lea sa o latou faalogoina le taimi na lulu ai mafuie.
Ua faailoa e le Geosciece Australia na maua atu lipoti i mafuie ia mai lea faaitu, ma ua o latou maitauina e lē masani ona aafia faaitu ia i ni mafuie i tausaga ua tuanai.
