Ua tuuina mai lapataiga lanu moli o uiga loulouā o le tau a o faaauau ai pea ona pa’ū timuga mamafa i le aso.
O lea na aumai e le ofisa o le vaaitau lapataiga nei e tatau ona nofouta iai le North ma le South Island i totonu o le 24 itula talu ai.
I Northland o lea na lapataia ma faamalosia mai le itula e 8 anapo seia oo mai i le itula e 2 i le vaveao analeila i timuga mamafa, ma e oo mai i le taimi o tala fou e silia ma le afe fale o aiga ua motusia le eletise.
O Aukilani o lea na faamalosia seia oo mai i le itula e 6 i le taeao nei, ma e pau le lipoti ua oo mai i le taimi o tala fou o le faaauau pea ona tapunia le State Highway 1 i Matu o Aukilani lea o loo sosoo ai Warkworth agai i Wellsford ona o palapala solo.
A o agai malie atu ai i Saute uiga loulouā o le tau i le asō, e atagia mai i lipoti o le a faaauau pea ona vaaia uiga loulouā o le tau i le isi 2 i le tolu aso o i luma.
