Ua mu le silia ma le afe fale, ua maliliu tagata e to’alua ma le to’atele ua manunu’a i Los Angeles i California i Amerika, ona o le mu tele o loo iai nei.
O le mu lenei ua faateteleina i savili malolosi, ma i lapata’iga o loo sau nei i tua, e ono faaauau pea.
Ua faamatalaina e lipoti o le taeao nei mai Amerika, o le mu lenei ua lona lua i le faatulagana o mu tetele i le aai.
E faitau sefulu afe tagata ua oese faamalosi mai o latou fale, ma i tala lata mai ua silia ma le 5,000 eka ua mu.
Na ta’ua mai ai foi e lē o faigofie i le ofisa o le tineimu, e fai o le faasoasoa o le suavai ae o le aufaigaluega foi.
Puna o Faamatalaga: Two dead, significant injuries in Los Angeles wildfires – NZ Herald
