Ua loka se tamaitai i le falepuipui mo le silia ma le 5 tausaga ina ua taumafai e aumai faananā i Aukilani le 4.3 kilo o le cocaine.
O Delphine Ganon, 42 tausaga na tulai i le faamasinoga faaitumalo i Manukau i le vaiaso nei ma faamaonia ai moliaga o le aumaia ma le umia o le fualaau faasāina e pei ona ta’ua.
Na taunuu mai i Aukilani i le aso 25 o Aperila o le tausaga na te’a nei ma taofia ai ma fesiligi e se ofisa mai le tiute, na su’eina ana atopau e lua ma maua iai le pauta paepae i le lining o atopau ma faamaonia ai o le cocaine.
O lea vaega tele lea o le fualaau faasāina afai e faatauina e ono oo atu i le $1.29 miliona Niu Sila e maua ai ae lē mafaitaulia le tele o ni aafiaga e tutupu mai ai.
Puna o Faamatalaga: https://www.newshub.co.nz/home/new-zealand/2024/05/woman-jailed-after-trying-to-smuggle-4-3kg-of-cocaine-into-auckland.html
